Skuadra e Vëllzniit ka nisur me fitore mbrojtjen e titullit në Ligën Unike të basketbollit.
Të mërkurën mbrëmë, Vëllaznimi mposhti Teutën e Durrësit në kuadër të Grupit A të kësaj gare, që tashmë ka startuar.
Ndeshja e luajtur në palestrën “Ramazan Njala” në Durrës, u mbyll me shifrat 96:81 në të mirë të ekipit nga Gjakova.
Vëllaznimi as që u rivalizua nga Teuta, duke pasur parasysh se skuadra e drejtuar nga Jeronimo Sharin fitoi të gjithë çerekët.
Te Vëllaznimi në këtë ndeshje debutoi edhe Jericole Hellems, amerikani që ishte pjesë e skuadrës sezonin e shkuar.
Hellems ishte më i dalluari kundër Teutës, pasi ndeshjen e përfundoi me 21 pikë, 3 kërcime e 2 asistime.
Në anën tjetër, Memçaj me 23 pikë dhe Farr me 12 pikë e 11 kërcime ishte më efikasit te skuadra nga Durrësi.
Pjesë e këtij grupi, janë edhe Bora e Besëlidhja e Lezhës.
