Mesfushori Lindon Emërllahu do të largohet përfundimisht nga skuadra e Clujit në fund të këtij viti.
Ai ka tërhequr interesimin e disa skuadrave, përfshirë nga Rumania, Gjermania e Ukraina por mësohet se Metalisti është favorit për transferimin e tij.
Ekipi nga Ukraina ka ofruar 1.8 milionë euro për kartonin e Emërllahut dhe parimisht marrëveshja mes të gjitha palëve është arritur, ku pritet vetëm zyrtarizimi.
Për Emërllahun në garë ishte edhe Steaua, por duket se Metalisti ka fituar garën për shërbimet e mesfushorit të Kosovës.
22-vjeçari këtë vit iu bashkua Clujit nga Ballkani dhe me ekipin rumun ka kontratë deri në vitin 2028, ndërsa te Metalisti do të bëhej bashkëlojtar me Baton Zabërgjën e Emir Rashicën.
