Mario Mitaj është futbollisti i vetëm shqiptar, i përfshirë në formacionin më të mirë të kualifikimeve evropiane për Kupën e Botës 2026.
Faqja e specializuar “sofascore”, të mërkurën ka publikuar 11-shen më të mirë të këtyre kualifikimeve, ku ka bërë një vend edhe për mbrojtësin e krahut të majtë.
Mitaj pati paraqitje të mira te Shqipëria, e cila kampanjën kualifikuese e mbylli në pozitën e dytë të Grupit K, duke e siguruar fazën “play-off”.
Ai luajti në pesë ndeshje, duke munguar në tri tjera dhe u vlerësua me notën e përgjithshme 7.62.
Në këtë formacion, janë edhe emrat e lojtarëve si Virgil Van Dijk, Joao Cancelo, Martin Odegaard, Pedri, Kevin De Bruyne e Kylian Mbappe.
