Kryeministri i Shqipërisë, Edi Rama reagoi pas veprimit të deputetëve të opozitës, të cilët iu kthyen me shpinë sapo ai mori fjalën në Kuvend për të folur mbi projektbuxhetin 2026 dhe Paketën Fiskale.
Ai iu drejtua deputetëve të PD-së duke thënë: “Edhe të ankoheni për ligjin, dhe të më ktheni mua kurrizin sikur nuk shkon more burrë. Megjithatë shumë faleminderit për këtë lehtësim që i bëni fjalimit tim sepse më mirë shpina se fytyra juaj”.
Rama dha edhe një këshillë për deputetët demokratë: “Duhet të ndani opinionet nga ofendimet. Tjetër opinioni, tjetër ofendimi dhe duhet të ndani opinionet nga akuzat. Tjetër opinionet tjetër akuzat. Ndajini këto dhe jeni në rregull me Rregulloren”, citon RTSH.
Në fund, ai përmendi vizitën e tij në Bruksel, ku Shqipëria hapi të gjithë kapitujt e negociatave.
