Çeku në Facebook tha se ky investim është bashkëpunim mes ministrisë së Kulturës dhe komunës së Hanit të Elezit.
Ai tha se ndjehet shumë i lumtur që qytetarët e kësaj komune tash e tutje do të kenë një hapësirë për t’i zhvilluar aktivitetet e tyre.
“Hapësira të reja kulturore në çdo pjesë të Kosovës. Qendra më e re e Kulturës dhe Rinisë është në Hanin e Elezit, investim i Ministrisë së Kulturës, Rinisë dhe Sportit, në bashkëpunim me Komunën e Hanit të Elezit. Jam shumë i lumtur që të rinjtë, komuniteti artistik e sportiv dhe qytetarët e kësaj komune tash do të kenë një hapësirë multifunksionale për t’i zhvilluar aktivitetet e tyre”, ka shkruar Çeku./teve1.info/.
