Një votim në Senat ka miratuar një marrëveshje të hartuar për t’i dhënë fund mbylljes së vazhdueshme të qeverisë amerikane, duke shënuar hapin e parë të rëndësishëm drejt zgjidhjes së ngërçit rekord.
Pas një fundjave negociatash në Uashington, disa demokratë iu bashkuan republikanëve në mbështetjen e marrëveshjes.
Ky votim procedural është hapi i parë drejt miratimit të një kompromisi që do të financonte qeverinë, e cila ka qenë pa fonde që nga 1 tetori.
Mbeten edhe disa hapa të tjerë – përfshirë miratimin nga Dhoma e Përfaqësuesve – përpara se punonjësit federalë të mund të kthehen në punë dhe shërbimet qeveritare të rifillojnë.
Megjithatë, kjo shënon shenjën e parë të vërtetë të përparimit pas 40 ditësh bllokimi. Senati është planifikuar të rimbledhet për debat të mëtejshëm në orën 11:00 sipas orës lokale të hënën, raporton BBC.
Mbyllja aktuale e qeverisë është më e gjata në historinë e SHBA-së, dhe deri këtë fundjavë, si ligjvënësit republikanë ashtu edhe ata demokratë dukeshin të vendosur në qëndrimet e tyre.
Shumë operacione qeveritare janë ndaluar që nga tetori, duke lënë rreth 1.4 milion punonjës federalë ose të pezulluar nga puna ose të punojnë pa pagesë.
