Qytetarët në 18 komuna të Kosovës votuan sot në raundin e dytë të zgjedhjeve lokale ku vendosën për kryetarët e komunave të tyre.
Nga 12 komunat ku ishte në balotazh Lëvizja Vetëvendosje ka fituar sipas rezultateve preliminare të KQZ-së në: Gjilan me Alban Hysenin 61.06% të votave, Obiliq me 51.09% të votave me kandidatin Halil Thaçi, në Fushë Kosovë me Valon Prebrezën me 54.99% të votave dhe në Mitrovicë të Jugut nga 98.1% të votave të numëruara ka 53.53% të votave me kandidatin Faton Peci.
Ndërkohë garën e ka humbur në komunat si: Peja me Taulant Kelmendin që mori 38.99% të votave, Gjakovë me Ardian Golën që mori 43.97% të votave, Rahovec me Ali Dulën që mori 47.53% të votave, Prizren me Artan Abrashin me 46.11% të votave, me Jeton Rakën humbi garën në Kaçanik me 48.14% të votave, Viti sipas rezultateve preliminare Arsim Ademi ka 49.40% të votave dhe Prishtinë me kandidatin Hajrulla Çeku që mori 48.46% të votave.
Kujtojmë që në nivel vendi votuan 432 mijë qytetarë nga 1 milion e 316 mijë e 672 qytetarë me të drejtë vote, apo 32.82%.
