Gazetarja Fetije Kamberi ka bërë të ditur se kryeministri në detyrë, Albin Kurti, do të zbarkojë së shpejti në Mitrovicë, më saktësisht në lagjen ‘Tavnik’. Sipas Kamberit, të gjitha përgatitjet janë bërë për ardhjen e kryeministrit, ndërsa një lokal në këtë lagje ishte vendi ku ai pritej të shijonte një kafe.
Në atë lokal janë mbledhur disa qytetarë, dhe siç bën të ditur Kamberi, forca të shumta policore janë vendosur për të monitoruar situatën.
Një qytetar nga Mitrovica, duke komentuar situatën, ka theksuar se nuk pati asnjë incident dhe se nuk kishte asnjë arsye për të krijuar ndasi mes qytetarëve të Mitrovicës. Ai tha:
“Ky është vendi më i frekuentuar ku qëndrojmë ne, si Mitrovicalë, në Tavnik. Nuk pati asnjë incident dhe po rrinim në mënyrë paqësore. Ne ishim duke pirë kafen dhe u njoftuam se do të vinte dikush për të pirë kafen, por nuk kishim nevojë të flasim për asgjë tjetër. Nuk pati asnjë qëllim për të krijuar ndasi mes Mitrovicalëve, identitetin tonë nuk mund ta blejë askush, dhe askush nuk mund të vijë këtu dhe të krijojë ndasi, as për kryeministrin.”
Në ndërkohë, situata mbetet e ndërlikuar, me autoritetet që po monitorojnë zhvillimet nga afër.
