Policia në Ferizaj ka parandaluar një rast ky dyshohet se një 17-vjeçare po tentonte të hidhej nga nënkalimi në rrugën “Brahim Ademi”
Sipas zëdhënësit të Policisë për Rajonin e Ferizajt, Kanun Veseli, 17-vjeçarja “po tentonte t’i bënte keq vetës”
“Rasti është raportuar sot, rreth orës 10:15, ndërsa zyrtarët policorë, pas mbërritjes në vendin e ngjarjes, kanë arritur ta parandalojnë veprimin dhe ta largojnë personin nga rreziku. Më pas, personi është shoqëruar nga policia në Emergjencën e Ferizajt për të marrë ndihmë mjekësore. Lidhur me rastin janë njoftuar Sektori Rajonal i Hetimeve, të cilët kanë ndërmarrë veprimet e mëtejshme hetimore, ndërsa për të gjitha veprimet policore është njoftuar prokurori i shtetit. Policia vlerëson rëndësinë e reagimit me kohë dhe bashkëpunimit për mbrojtjen e jetës dhe sigurisë së qytetarëve”, ka thënë ai për teve1.info
