Forcat izraelite plagosën një të ri palestinez përpara se ta arrestonin gjatë bastisjes në qytetin Jamun, në perëndim të Jeninit në Bregun Perëndimor të pushtuar.
Sipas stacionit radiofonik “Zëri i Palestinës”, përleshjet shpërthyen pasi trupat izraelite sulmuan Jamunin, me të rinj palestinezë që qëlluan me gurë drejt ushtarëve.
Gjatë konfrontimit, një i ri u qëllua me municion luftarak dhe u plagos, transmeton Anadolu.
Forcat izraelite penguan ekipet e ambulancës të arrinin te i riu i plagosur, i cili më vonë u dërgua në një vend të panjohur.
Gjendja dhe vendndodhja e tij mbeten të paqarta.
Videot e shpërndara në platformat dixhitale tregojnë ushtarë izraelitë të vendosur pranë zonës ku ndodhej i riu i plagosur, duke bllokuar qasjen e ekipeve mjekësore.
