Të paktën 279 ushtarë izraelitë kanë tentuar vetëvrasje gjatë 18 muajve të luftës së Izraelit në Gaza, sipas një raporti të ri.
Transmetuesi publik izraelit KAN tha se raporti nga Qendra e Kërkimit dhe Informacionit e Knessetit tregoi “të dhëna shqetësuese në lidhje me përpjekjet për vetëvrasje midis ushtarëve izraelitë” nga janari 2024 deri në korrik 2025, 36 prej të cilave rezultuan në vdekje.
Sipas raportit, 124 ushtarë izraelitë kanë vrarë veten nga viti 2017 deri në korrik 2025 – 68 përqind e tyre duke shërbyer në shërbimin e detyrueshëm ushtarak, 21 përqind e tyre rezervistë dhe 11 përqind në detyrë të përhershme.
Raporti tregoi një rritje të konsiderueshme të rasteve të vetëvrasjeve midis rezervistëve që nga viti 2023, duke e lidhur këtë me një rritje të numrit të ushtarëve në detyrë aktive që nga shpërthimi i luftës në Gaza, citon Al Jazeera.
“Epidemia e vetëvrasjeve, e cila pritet të rritet me fundin e luftës, kërkon krijimin e sistemeve të vërteta mbështetëse për ushtarët, punën për t’i dhënë fund luftërave dhe arritjen e paqes së vërtetë”, tha Ofer Cassif, një anëtar i krahut të majtë i Knessetit.
