Kryeministri izraelit, Benjamin Netanyahu, ka theksuar se Izraeli, si një shtet sovran, do të përcaktojë vetë politikën e tij të sigurisë dhe me cilat forca të huaja do të bashkëpunojë.
“Ne kontrollojmë sigurinë tonë dhe ua kemi bërë të qartë forcave ndërkombëtare se Izraeli do të vendosë se cilat forca janë të papranueshme për ne – dhe kështu veprojmë dhe do të vazhdojmë të veprojmë”, tha Netanyahu para një mbledhjeje të kabinetit, citon Al Jazeera.
Ai shtoi se qëndrimi i Izraelit është pranuar edhe nga aleati i tij kryesor, Shtetet e Bashkuara. “Kjo, sigurisht, pranohet nga Shtetet e Bashkuara, siç shprehën përfaqësuesit e saj më të lartë ditët e fundit,” theksoi Netanyahu.
Faza e parë e armëpushimit hyri në fuqi në Gaza më 10 tetor sipas planit 20-pikësh të Presidentit të SHBA-së Donald Trump.
Hamasi dhe fraksionet palestineze ranë dakord që rindërtimi i Gazës së shkatërruar nga lufta do të drejtohet nga një organ i OKB-së. Ai përsëriti angazhimin e grupit ndaj një skeme paqeruajtjeje dhe monitorimi të OKB-së për të mbikëqyrur kufijtë dhe zbatimin e armëpushimit në Gaza.
