Presidenti amerikan, Donald Trump ka sygjeruar se mund t’i bëjë thirrje Izraelit të lirojë udhëheqësin e burgosur të Fatahut, Marwan Barghouti , udhëheqësin palestinez më të popullarizuar dhe potencialisht unifikues.
Në një intervistë të botuar të enjten, Trump tha se ka diskutuar mundësinë e lirimit të Barghoutit me ndihmësit e Shtëpisë së Bardhë.
“Po përballesha me këtë pyetje rreth 15 minuta para se të më telefononit”, tha Trump në një intervistë për revistën Time kur u pyet për Barghoutin. “Kështu që do të marr një vendim.”
Associated Press thotë se Shtëpia e Bardhë nuk iu përgjigj një kërkese për koment në lidhje me diskutimet e Trump mbi këtë çështje.
