Gazetarëve ndërkombëtarë ende nuk u jepet qasje e lirë për të raportuar nga Gaza.
Në seancë dëgjimore para gjykatës më të lartë në Jerusalem që u zhvillua më herët sot në lidhje me një kërkesë nga Shoqata e Shtypit të Huaj (FPA) për të lejuar gazetarët të udhëtojnë në enklavën e izoluar.
Megjithatë, gjykata i dha qeverisë izraelite 30 ditë shtesë për të paraqitur një qëndrim të qartë.
FPA reagoi me zhgënjim të enjten dhe akuzoi Izraelin për përdorimin e taktikave vonuese, ka shkruar Al Jazeera.
Në një deklaratë në Telegram, grupi palestinez Hamas ka reaguar duke thënë se ndalimi i vazhdueshëm i shtypit të huaj nga Izraeli “zbulon qartë këmbënguljen e këtij entiteti [Izraelit] për të vazhduar të imponojë bllokimin e medias ndaj krimeve të tmerrshme dhe shkatërrimit të përhapur të shkaktuar nga makineria e luftës sioniste në Rrip”.
Qasja në Rripin e Gazës kontrollohet tërësisht nga Izraeli. Që nga fillimi i luftës gjenocidale të Izraelit më shumë se dy vjet më parë, gazetarët e huaj kanë qenë në gjendje të vizitojnë Rripin e Gazës vetëm herë pas here me ushtrinë izraelite, dhe atyre u janë treguar vetëm zona shumë specifike.
Gazetarët palestinezë vazhdojnë t’i sjellin lajme botës nga terreni, duke rrezikuar jetën e tyre për ta bërë këtë – më shumë se 200 persona janë vrarë nga Izraeli që nga tetori i vitit 2023, duke e bërë atë konfliktin më vdekjeprurës për gazetarët të regjistruar ndonjëherë.
