Një sulm rus me dron dhe raketa në të gjithë Ukrainën vrau të paktën gjashtë persona, përfshirë një grua dhe dy vajzat e saj të vogla, thanë zyrtarët të mërkurën, ndërsa përpjekjet e udhëhequra nga SHBA-të për t’i dhënë fund luftës dështuan dhe presidenti i Ukrainës kërkoi më shumë ndihmë ushtarake të huaj.
Valë të përsëritura raketash dhe dronësh gjatë gjithë natës shënjestruan të paktën tetë qytete ukrainase, si dhe një fshat në rajonin e Kievit, ku një sulm i vuri flakën një shtëpie në të cilën po qëndronte nëna dhe vajzat e saj 6 muajshe dhe 12 vjeçe, tha kreu rajonal Mykola Kalashnyk.
Të paktën 25 persona, përfshirë pesë fëmijë, u plagosën vetëm në Kiev, thanë autoritetet, citon Associated Press.
Forcat ajrore të Ukrainës thanë se Rusia qëlloi 405 dronë sulmues dhe mashtrues dhe 28 raketa drejt Ukrainës, duke synuar kryesisht Kievin.
