Gjykata e Posaçme e Shkallës së Parë për Korrupsionin dhe Krimin e Organizuar (GjKKO) ka shtyrë sërish seancën ndaj ish-kryetarit të Bashkisë së Tiranës, Erion Veliaj.
Seanca e radhës ndaj Veliajt, i cili ndodhet në paraburgim, do të mbahet më 28 tetor, në të cilën pritet të vendoset nëse çështja ndaj tij do të kalojë për gjykim apo jo.
Për Anadolu, GjKKO-ja konfirmoi se seanca gjyqësore është shtyrë për shkak të bojkotit të avokatëve.
Bojkoti i avokatëve për seancat gjyqësore do të vazhdojë deri më 25 tetor për shkak të arrestimit të një avokati disa ditë më parë me akuzën “se ka kërcënuar një prokuror”.
Veliaj është arrestuar më 10 shkurt 2025, i dyshuar sipas autoriteteve për korrupsion dhe pastrim parash dhe aktualisht ndodhet në paraburgim.
