Hakerët morën kontrollin e sistemit të PA në Aeroportin Ndërkombëtar të Harrisburgut në Pensilvani, duke transmetuar një mesazh pro-Palestinë dhe fyerje kundër udhëheqësve të SHBA-së dhe Izraelit.
Në aeroportin e Harrisburgut të martën, “një përdorues i paautorizuar fitoi akses në sistemin e PA të aeroportit dhe luajti një mesazh të regjistruar të paautorizuar”, tha zëdhënësi i aeroportit Scott Miller për CNN.
“Mesazhi ishte i natyrës politike dhe nuk përmbante asnjë kërcënim kundër aeroportit, qiramarrësve tanë, linjave ajrore apo pasagjerëve. Sistemi i PA u fik dhe incidenti është nën hetim nga policia”, shtoi deklarata e Miller.
Incidente të ngjashme u raportuan në tre aeroporte kanadeze në të njëjtën ditë, raporton Al Jazeera.
Ndërhyrjet vijnë në një kohë kur industria e udhëtimeve ajrore është përballur me një sulm të madh kibernetik që ka shkaktuar ndërprerje për pasagjerët dhe ka bllokuar disa nga aeroportet më të mëdha në botë.
