Kurse gjatë ditës së sotme, Kleviol Ahmeti i njohur si “Cllevio” është arrestuar nga Policia në Shqipëri.
Sipas njoftimit thuhet se Cllevio është arrestuar pasi që i njëjti ka thyer masën e sigurisë “Arrest në shtëpi”.
Kjo masë ishte caktuar ndaj tij pasi që akuzohej për veprat penale “Prodhim dhe shitje e narkotikëve” dhe “Mbajtje pa leje e armëve të ftohta”.
Bëhet e ditur se gjatë kontrollimit, reperit Cllevios i është gjetur lëndë narkotike “cannabis sativa” dhe tri thika, të cilat janë sekuestruar si prova materiale.
“Specialistët për Hetimin e Krimeve në Komisariatin e Policisë Lushnjë, pas informacioneve të marra në rrugë policore se shtetasi K. A. kishte thyer masën e sigurisë “Arrest në shtëpi”, duke dalë jashtë banesës, kanë organizuar punën për kapjen e tij. Pas kontrolleve nga Policia, shtetasi K. A. është lokalizuar në lagjen “Çlirimi”, në qytetin e Lushnjës. Në vijim të veprimeve u bë arrestimi, për veprën penale “Largim i të burgosurit nga vendi i qëndrimit”, i shtetasit K. A., 36 vjeç, banues në lagjen “Loni Dhamo”, Lushnjë, i cili ishte me masë sigurie “Arrest në shtëpi”, për veprat penale “Prodhimi dhe shitja e narkotikëve” dhe “Mbajtja pa leje e armëve të ftohta”, njoftoi Policia Shqiptare.
Kurse reperi Cllevio është arrestuar edhe më parë nga Policia.
