Një studim i ri ka treguar se një test gjenetik në gjak mund të parashikojë rrezikun e zhvillimit të kancerit të gjirit tek gratë që kanë qeliza jonormale në gji.
Sipas hulumtuesve nga King’s College London, gratë që rezultojnë me nivel të lartë gjenetik janë dyfish më të rrezikuara të preken nga kanceri i gjirit pas diagnozës me karcinomë duktale (DCIS) ose karcinomë lobulare (LCIS), shkruan HealthDay.
Kur në këtë rrezik shtohet edhe historia familjare e kancerit të gjirit, gjasat për t’u prekur rriten deri në tre deri katër herë më shumë.
Ekspertët thonë se ky test mund të ndihmojë mjekët të marrin vendime më të sakta për trajtimin, duke i kombinuar analizat e qelizave me profilin gjenetik dhe faktorët e jetesës së çdo gruaje.
