Ai thotë se që nga fillimi Serbia ka kërkuar dialog pa fund, me synimin që të krijojë një Asociacion i cili kantonizon apo “bosnjëzon” Kosovën.
“Janë tema të pakryera, të cilat praktikisht në esencën e tyre interesi i palës serbe praktikisht është të godit në kokë ta zëmë çështjen e dyzimit apo prishjes së karakterit unitar të shtetit të Kosovës. Asociacioni në formën si ata e mendojnë dhe Gjykata Kushtetuese mirë është që e ka ndalë është që ta kantonizojnë Kosovës, e kemi shembullin e Bosnjës dhe megjithë interesimet e Bashkësisë Ndërkombëtare, Bosnja ka mbetë në një pozitë të vështirë”, tha Sejdiu në emisionin ResPublika në Tëvë1.
Po ashtu, ish-presidenti deklaron se zvarritja e dialogut i konvenon më së shumti Serbisë
“Absolutish që po, kjo është, e kam thënë prej 2008-ës sepse kërkohej kapërcimi përtej Ahtisari dhe që realisht është ndalë në zyrën time, unë e di se njerëz nga Qeveria e kanë pranuar, s’them se e kanë pranuar për qejf, por se nuk e kanë kuptuar sherrin e asaj pakoje dhe ndërkohë jemi shtyrë gjatë me Bashkësinë Ndërkombëtare kanë ardhë ekipe e ekipe prej të Solanës, të Kouchnerit dhe derisa ka ardhë Daniel Freid që ka qenë amortizator i asaj plage të krijuar”, shtoi Sejdiu.
ResPublika në Tëvë1 intervista e plotë në Youtube:
