Me këtë rast, kryetari i AAK-së Ramush Haradinaj ka thënë se “do ta shpëtojnë Kosovën nga populistët”.
Sipas tij, Kosova nuk është mirë sepse drejtohet nga “politikanë të frikësuar nga çdo gjë”.
“Kosova nuk është sot mirë. Qytetari i Kosovës nuk është mirë. Kosova sot udhëhiqet nga politikanë të pangopur në protagonizëm, në populizëm e mosbesues deri në fund, të frikësuar nga çdo gjë dhe në paranojë e izolim. Kosova është e trembur dhe reaguese. Pse? Sepse ata që duhet ta ndërrojnë këtë gjendje janë oportunistë. Jetojnë në ujëra të qeta, edhe kur Kosova është në stuhi. Janë përfitues rasti, shijojnë privilegje për konsum të tyre e për fat të keq të tillë ka shumë si në nivel qendror e lokal”, ka thënë ai. /Teve1.info/
