Prishtina ka shënuar fitore si mysafire e Malishevës, me rezultat 3-1, në kuadër të javës së pestë të Superligës së Kosovës.
Skuadra kryeqytetase e nisi më mirë ndeshjen, ndërsa Malisheva – ndonëse vinte nga fitorja e parë në xhiron e kaluar – nuk arriti të paraqitej si një rival i denjë.
Ndeshja u zhbllokua në minutën e 20-të, kur Ardian Muja realizoi pas një asistimi të saktë nga Shqiprim Taipi, duke e kaluar Prishtinën në epërsi 1-0.
Në fillim të pjesës së dytë, Malisheva mbeti me dhjetë lojtarë, pasi Mevlan Zeka u ndëshkua me karton të kuq për sjellje jo sportive ndaj Philipe Boueye.
Megjithatë, edhe me një lojtar më pak, Malisheva arriti të barazojë rezultatin në 1-1 përmes një goli me kokë të Samuel Opeh.
Prishtina nuk u dorëzua dhe rifitoi epërsinë me një tjetër gol me kokë, këtë herë nga Ardian Limani, i cili përfitoi nga një top i kthyer nga portieri, duke shënuar për 2-1.
