Lajmin për Teve1.info e ka konfirmuar zëdhënësi i Policisë për Rajonin e Gjakovës, Sheremet Elezaj.
Ai thotë se sipas personelit mjekësor në vendngjarje, viktima ka qenë me shenja jete dhe i njëjti me autoambulancë është dërguar në Spitalin Rajonal të Gjakovës, ku nga atje është konfirmuar vdekja e viktimës.
“Sot me datë 03.06.2022 rreth orës 18:15 është pranuar informacion se në një seperacion në fsh. Kramovik-Rahovec një punëtor i moshës 27 vjeçar e ka zënë zhavorr. Sipas personelit mjekësorë në vend-ngjarje, viktima ka qenë me shenja jeta dhe i njëjti me autoambulancë është dërguar në Spitalin Rajonal të Gjakovës. Më vonë, nga Spitali në Gjakovë është konfirmuar se viktima në fjalë ka ndërruar jetë”, ka thënë Elezaj.
Sipas tij, në vendngjarje kanë dalë njësitet relevante policore si dhe Prokurori i Shtetit dhe lidhur me rastin në fjalë është duke u vazhduar me hetime. /teve1.info/
