Këtë e ka bërë të ditur për Teve1.info, kryeprokurori i Prokurorisë Themelore të Pejës, Agim Kurmehaj.
“Për Manastirin e Deçanit kemi filluar, tash kundër kujt e tek, për rreth manastirit për zbatimin e vendimit”, ka thënë Kurmehaj.
Vendimi i Gjykatës Kushtetuese për Manastirin e Deçanit nuk zbatohet tash e gjashtë vjet nga organet komunale të Deçanit. Sipas tyre, ata 24 hektarë tokë u takojnë dy ndërmarrjeve shoqërore që ndodhen në këtë komunë.
Ndërkaq, hapësira e Manastirit të Deçanit po vazhdon të jetë çështje mospajtimesh në mes të përfaqësuesve të Manastirit dhe Komunës së Deçanit. Lidhur me këtë çështje kryetari i kësaj komune, Bashkim Ramosaj në emisionin “Këndi i Debatit” në Tëvë1, mbrëmë ka thënë se për aq kohë sa ai do të jetë kryetar Komune nuk do ta zbatojë vendimin e Gjykatës Kushtetuese për atë çështje.
“…mbledhje të jashtëzakonshme ku është qëndrim edhe i Asamblesë edhe i imi personal si qytetar që ky vendim dhe e kemi quajtur të ndikuar politikisht, me shumë gabime procedurale të cilat mund edhe t’i theksojmë nëse i hyjmë përmbajtjes. Ka shumë gabime juridike që edhe realisht janë porecedane gjyqësore të papara në vendimin e Gjykatës Kushtetuese dhe qëndrimi im është që unë si Kryetar Komune deri sa jam në mandatin si kryetar Komune nuk do e zbatoj këtë vendim si të tillë”, tha ai./ teve1.info/