Në “Info Nata” në Tëvë 1, Shala theksoi se në takimet e së kaluarës, pala shqiptare ka qenë gjithmonë produktive, ndërsa tani është e kundërta. Sipas tij, kjo po pengon që proceset të vazhdojnë më tutje.
“Çështja është se në të kaluarën, nëse e keni përcjellë marrëveshjet që kanë derivuar nga takimet në Bruksel. Gjithmonë pala shqiptare ka qenë produktive, ka qenë e hapur sa i përket sugjerimeve nga partnerët e caktuar ndërkombëtar. Në rastin konkret është e kundërta. Këtë rastin konkret ka ndryshuar komplet diskursi dhe qasja. Kjo po pamundëson që proceset të shkojnë më tutje, një hap më tutje. Sepse tani çështjet kanë ardhur në një status quo, në një pikë që duhet të mirren vendime të rëndësishme.”, tha ai.
Shala shtoi se kryeministri Albin Kurti nuk është i interesuar që të marrë vendime, e për këtë sipas tij, Bashkësia Ndërkombëtare po kërkon një partner tjetër që të çojë më tutje proceset të cilat janë të rëndësishme për Kosovën.
“Duke parë që diskursi dhe qëndrimi në opozitë të kryeministrit aktual i cili nuk ka ndryshuar asesi asnjëherë, ka ndikuar që tanimë duhet të bëjë vendime, duhet të marrë veprime. Duke pasur parasysh që nuk është i interesuar të marrë vendime dhe është totalisht i shkëputur për të marrë veprime, atëherë Bashkësia ndërkombëtare është duke kërkuar me ngulm një partneritet, një person, një individ, një partner tjetër brenda Kosovës që mund të çojë më tutje proceset që janë esenciale dhe të rëndësishme për të ardhmen e Kosovës”, tha eksperti i sigurisë, Drizan Shala. /Teve1.info/
