Në mbledhjen e Qeverisë të mërkurën, Kurti tha se nga rritja e çmimeve janë goditur disa kategori të ndryshme dhe për këtë shton se “kanë dizajnuar përgjigje në varësi të ndikimit”.
“Te rritja e çmimeve të një grupi mallrash ushqimore Qeveria beson se kategori të caktuara të shoqërisë janë goditur në mënyrë disproporcionale andaj dhe përgjigja jonë është dizajnuar në varësi të ndikimit. Një kategori që besoj është goditur më së shumti janë përfituesit e ndimave sociale që janë rreth 6 % e qytetarëve”, shtoi Kurti.
Ai, para ministrave deklaroi se zgjidhja e këtij problemi nuk është duke tërhequr kursimet pensionale, pasi që “rrënohet sistemi pensional i vendit”.
“Besojmë që problemi i këtyre kategorive nuk zgjidhet duke rrënuar sistemin pensional të vendit meqë ky grup as edhe ka mjete të akumuluara në Trust. Andaj kemi vendosur që atyre nga buxheti t’ua dyfishojmë ndihmat për 2 muaj dhe për këtë kemi ndarë mbi 6 milionë euro pasi që të njëjtat përfitime i kemi rritur për 30 për qind”, deklaroi ai.
