E ardhmja e kapitenit të Kombëtares së Shqipërisë, Berat Gjimshiti po duket gjithnjë e më larg Atalantas.
Mediumet italiane, raportojnë se Gjimshiti ka disa javë që është në negociata me Milanin dhe gjasat janë të mëdha të përfundojë në “San Siro” këtë verë.
Në fakt, është drejtori sportiv i Milanit, Igli Tare që po insiston në transferimin e Gjimshitit pas largimit te Malick Thiaw te Necastle Unitedi.
Gjimshiti ka kontratë deri vitin tjetër me Atalantan dhe te Milani po shihet si përforcim i duhur për mbrojtjen për shkak të përvojës së tij.
Atalanta mund ta lë të lirë Gjimshitin nëse merr një ofertë deri në 10 milionë euro për kartonin e tij.
