Banorët e fshatit Besi janë të rrezikuar nga gjarpërinjtë.
Besnik Osmani, banor i këtij fshatit të Komunës së Prishtinës, thotë së ka pasur raste kur gjarpërinjtë janë futur në marketin ku punon.
E në rast të ndonjë kafshimi, në Qendrat Familjare në Prishtinë nuk ka serum kundër helmimit nga gjarpërinjtë.
Furnizimi në Qendrën e Mjekësisë Kryesore Familjare në Prishtinë nuk është bërë që nga viti 2016.
Kështu, sipas Rashanit mungesa përveç në këtë qendër është edhe në QKMF-të në fshatin Besi, Hajvali dhe Matiqan, zona këto të cilat janë më të rrezikuar nga gjarpërinjtë.
Por, sipas Shërbimit Farmaceutik të Shërbimit Spitalor dhe Klinik Universitar nuk është që ka mungesë të këtij serumi.
“ShSKUK ka furnizim të qëndrueshëm më serum kundër kafshimit nga gjarprinjtë”, thonë nga Shërbimi Farmaceutik i SHSKUK-së.
Këtë vit, në Komunën e Prishtinës nuk është raportuar ndonjë rast i kafshimit nga gjarpri.
Kronika e realizuar nga gazetarja Doresa Geci.