Sipas një komunikate për media, bëhet e ditur se është miratuar kërkesa e Ministrisë së Shëndetësisë për pagesën e profesionistëve shëndetësorë dhe stafit mbështetës, të cilët ishin punësuar gjatë periudhës së pandemisë COVID-19.
“Me këtë rast, është miratuar kërkesa e Ministrisë së Shëndetësisë për alokimin dhe shpenzimin e mjeteve buxhetore deri në vlerën 1,768,300.93 € (një milion e shtatëqind e gjashtëdhjetë e tetë mijë e treqind euro e nëntëdhjetë e tre cent), për pagesën e obligimeve kontraktuale të krijuara me lidhjen e kontratave me 1,271 profesionistë shëndetësorë dhe staf mbështetës, lidhur me menaxhimin e situatës me COVID-19, për periudhën 15 mars – 15 qershor 2022”, thuhet në njoftimin e qeverisë, përcjellë teve1.info.
Ndryshe ditë më parë, për arsye se nuk u paguan për 3 muaj radhazi, infermierët dhe stafi mbështetës i angazhuar gjatë periudhës së Covid – 19 kishin protestuar para objektit të Ministrisë së Shëndetësisë ku kanë kërkuar që të plotësohen kërkesat e tyre të cilat ishin pagat dhe vazhdimet e kontratave./Teve1.info
