Milot Rashica ka kërkuar largimin nga Beshiktashi pas ngjarjeve të fundit, kanë njoftuar mediumet turke të hënën.
Mësohet se Rashica ka njoftuar bordin e klubit për vendimin e tij dhe është në pritje të ekipit të ri.
Vendimi i Rashicës ka ardhur pas reagimit të ashpër të tifozëve të Beshiktashit, të cilët e kanë vërshëllyer dhe kritikuar derisa po zëvendësohej në humbjen nga Shakhtar Donetsku në kuadër të kualifikimeve të Ligës së Evropës.
Gjithashtu, Rashica pati edhe një fjalosje me anglezin Tammy Abraham, ndërsa reagimi i tifozëve ndaj tij e ka bërë të demoralizohet dhe të kërkoj largimin.
29-vjeçari ka edhe dy vjet kontratë me Beshiktashin, ndërsa klubi turk edhe më herët ishte i gatshëm për ta liruar për një ofertë deri në 10 milionë euro.
