Vllaznia ka marrë një fitore emocionuese me përmbysje në “Loro Boriçi” përballë Vikingur të Islandës, duke hedhur një hap drejt kalimit të turit të dytë të Ligës së Konferencës.
Vllaznia fitoi 2-1 ndaj Vikingur Reykjavik në Shkodër, në ndeshjen e parë të turit të dytë të Conference League.
Ndeshja u zhbllokua shumë shpejt, që në minutën e 10-të. Mysafirët nga Islanda ndëshkuan shkodranët me Gunnarsson, i cili realizoi me kokë.
Në pjesën e dytë, ishte Melos Bajrami ai që vendosi ekuilibrat, me golin e tij në të 67-n.
Vllaznia përmbysi ndeshjen me golin e Esat Malës, çerek ore nga fundi. Takimi i kthimit luhet pas disa ditësh.
