Xhudistja kosovare, Enise Zijade, do të luftojë për medalje të bronztë në Festivalin Olimpik Veror Evropian për të Rinj që po mbahet në Shkup.
Zijade arriti deri në gjysmëfinale të kategorisë deri 57 kilogramë, ndërsa pësoi nga gjermania Jolina Reinhold.
Lufta ishte shumë e fortë, me shumë aksione, por Reinhold fitoi me uazari dhe katër “Yuko”.
Deri në gjysmëfinale Zijade i shënoi tri fitore.
Kosova ende nuk ka fituar medalje në EYOF-in në Shkup, ndonëse mori pjesë me shumë sportistë.
