Sulmuesi i krahut, Luis Diaz është objektivi kryesor i Bayern Munchenit në këtë afat kalimtar, dhe ekipi gjerman nuk e ka ndërmend të dorëzohet për transferimin e tij.
Bëhet e ditur se Bayerni ka rifilluar negociatat me Liverpoolin, ekip që tashmë ka refuzuar dy herë ofertat e bavarezëve për kolumbianin 28-vjeçar.
Liverpooli është i gatshëm ta shesë Diazin por për kartonin e tij po kërkon 100 milionë euro, ndërsa Bayerni ka ofruar 80 milionë euro për ta bindur ekipin anglez.
Te Bayerni janë të bindur se mund ta mbyllim marrëveshjen me Liverpoolin deri në fillim të muajit të ardhshëm, pasi edhe Diaz ka shprehur dëshirën për t’u bashkuar me ekipin gjerman.
Bayerni, tashmë i ka ofruar Diazit kontratë katërvjeçare me pagë vjetore prej 14 milionë eurosh, dukshëm më të lartë se paga e tij te Liverpooli, ku paguhet 3 milionë euro në vit.
