Qendra finlandeze, Mustapha Amzil është përforcimi më i ri te KB Trepça.
Kampionia e Kosovës, të hënën mbrëma ka prezantuar basketbollistin e gjatë 206 centimetra.
Amzil do të jetë pjesë e Trepçës për sezonin 2025/26 dhe një ndihmë e madhe nën kosh në tentimin e saj për kualifikim në Ligën e Kampionëve.
Amzil si basketbollist është zhvilluar tek Helsniki në Finlandë, vend në të cilin ka luajtur deri në vitin 2020, përpara se të zhvendoset në SHBA.
Ai ka luajtur për ekipin e kolegjit New Mexico dhe sezonin e fundit ka pasur një mesatare prej 11 pikëve e 5 kërcimeve për ndeshje.
