Raportimet nga Italia bëjnë të ditur se Manchester United po shqyrton mundësinë për të huazuar sulmuesin danez Rasmus Hojlund, i cili nuk ka përmbushur pritshmëritë që nga transferimi i tij nga Atalanta në vitin 2023 për mbi 80 milionë euro.
Pas një sezoni të parë me 16 gola në të gjitha garat dhe një të dytë me vetëm 10, klubi anglez ka sjellë përforcime të reja në sulm, duke siguruar shërbimet e Bryan Mbeumo dhe Matheus Cunha.
Kjo ka rritur gjasat që Hojlund të largohet gjatë kësaj vere nga klubi anglez, të paktën përkohësisht.
Juventusi dhe Milani janë dy klubet më të interesuara për të nënshkruar me sulmuesin 22-vjeçar, ndërkohë që edhe Interi kishte qenë në garë më herët, para se të mbyllte marrëveshjen me Ange-Yoan Bonny.
Sipas “Calciomercato.com”, Manchester United është bërë më fleksibël në qëndrimin e tij dhe tani mund të pranojë një marrëveshje huazimi me të drejtë ose detyrim blerjeje në fund të sezonit.
Kjo e fundit do të aktivizohej nëse skuadra ku huazohet Hojlund arrin të kualifikohet për në Ligën e Kampionëve në edicionin 2025/26.
Vlera e kartonit të Hojlund vlerësohet aktualisht rreth 45 milionë euro.
