Portieri Etrit Berisha ka gjasa të largohet nga skuadra e Hackenit këtë verë, pasi disa ekipe nga Serie A, emri i të cilave nuk është zbuluar, kanë shprehur interesim për shërbimet e tij.
Berisha ka një klauzolë lirimi, e cila iu mundëson largimin nga Hackeni këtë verë dhe skuadrat italiane janë të gatshme ta paguajnë atë.
Berisha e njeh mirë kampionatin e Italisë, pasi ka luajtur për shumë skuadra si Lazio, Atalanta, SPAL, Torino e Empoli.
36-vjeçari është rikthyer në Suedi tek Hackeni dhe ka treguar paraqitje të mira, duke tërhequr vëmendjen në Itali.
Megjithatë, te skuadra suedeze po duan ta mbajnë më gjatë Berishën në radhët e veta dhe për këtë arsye janë të gatshëm t’ia ofrojnë rinovimin e kontratës.
Berisha ka kontratë me skuadrën e Hackenit deri në fund të këtij viti, duke konfirmuar bisedimet me portierin shqiptar.
