Kosova U20 sonte zhvillon njërën nga ndeshjet më të rëndësishme, që nga pranimi në FIBA.
Dardanët e rinj për herë të parë janë kualifikuar në çerekfinale të Evropianit, Divizioni B.
Kosova përballet me Zvicrën nga ora 19:00, në FIBA Kampionatin Evropian, Divizioni B, që po zhvillohet në Armeni.
Fituesi i kësaj ndeshje në gjysmëfinale do të përballet me fituesin e ndeshjes Letoni-Britani e Madhe. Humbësi do të luajë për vendin 5-8.
Kosova siguroi çerekfinalen pas tri fitoreve e një humbje, duke përfunduar e dyta në Grupin D pas Turqisë. Pikërisht ndaj kësaj të fundit pësuan humbjen e vetme që erdhi pas tri fitoreve radhazi, ndaj Suedisë, Shqipërisë dhe Hungarisë.
Kjo është hera e parë që një grupmoshë e Kosovës është kualifikuar në mesin e tetë më të mirave në Divizionin B.
