Pas Evertonit, Aston Villas e Newcastle Unitedit, edhe një ekip tjetër nga Premier League ka shprehur interesim për shërbimet e Edon Zhegrovës.
Bëhet fjalë për Leeds Unitedin, ekip i rikthyer në elitën e futbollit anglez pasi sezonin e fundit fitoi titullin e kampionit në Championship.
Mësohet se Leedsi po e monitoron situatën e Zhegrovës, i cili pritet të largohet gjatë kësaj vere nga skuadra e Lillet.
Sulmuesi i krahut, po shihet si përforcim i duhur për ekipin e rikthyer në Premier League, i cili pritet së shpejti ta kontaktojë Lillen për transferimin e Zhegrovës.
26-vjeçari ka kontratë deri në vitin e ardhshëm me Lillen, ekip që ka paralajmëruar shitjen e tij dhe po kërkon të paktën 25 milionë euro për ta lënë të lirë.
Interesim për Zhegrovën ka edhe nga Serie A e Italisë, ku skuadra e Atalantas mbetet në garë për shërbimet e tij.
