Një burrë i armatosur me thikë sulmoi të martën disa kolegë në një kompani në Gjermaninë jugore, duke vrarë një person, thanë autoritetet.
Dy persona u plagosën gjithashtu rëndë në sulmin në Mellrichstadt, një qytet i vogël në lindje të Frankfurtit në Bavari, thanë policia dhe prokurorët në një deklaratë.
Një 21-vjeçar gjerman u arrestua, raportoi Associated Press.
Policia u njoftua për konfrontimin në ambientet e një furnizuesi lokal të energjisë elektrike rreth orës 7:30 të mëngjesit të së martës. Një grua 59-vjeçare u vra, ndërsa dy burra të moshës 55 dhe 62 vjeç u plagosën rëndë.
Nuk ishte menjëherë e qartë se çfarë çoi në sulm.
