Pas disa muajve, rikthehet Liga e Kombeve të UEFA-s, me ndeshjet gjysmëfinale të play-offit.
Gjermania – Portugalia, është gjysmëfinalja e parë e kësaj gare, e cila do të luhet sot prej orës 21:00 në stadiumin “Allianz Arena” në Munchen.
Pritet një përballje e fortë, duke pasur parasysh se si Gjermania ashtu edhe Portugalia, synojnë kualifikimin në finalen e play-offit të Ligës së Kombeve dhe triumfin në këtë turne.
Ndërkohë, në gjysmëfinalen tjetër, do të përballen Spanja me Francën, ndeshje kjo që luhet të enjten prej orës 21:00 por në Stuttgart.
Fituesit e gjysmëfinaleve, do të përballen në finalen e Ligës së Kombeve që do të zhvillohet të dielën mbrëma në Munchen.
