Sekretari i Këshillit të Sigurimit të Rusisë, Nikolai Patrushev, tha në një intervistë se qeveria ruse nuk po ndjek afate.
“Nazizmi ose duhet të çrrënjoset 100%, ose do të ngrejë kokën pas disa vitesh, dhe në një formë edhe më të shëmtuar,” tha ai në një përgjigje ndaj një pyetjeje në lidhje me zvarritjen e luftës, shkruan Associated Press, raporton tëvë1.info.
Ndërkohë, ministri rus i Mbrojtjes Sergei Shoigu tha në një takim të zyrtarëve të sigurisë se Rusia po e ngadalëson qëllimisht ofensivën e saj duke rregulluar armëpushim dhe korridore humanitare “në mënyrë që të shmangë viktimat midis civilëve”.
Nga ana tjetër, raportohet se forcat ruse që nga fillimi i luftës kanë goditur vazhdimisht objekte si spitale, shkolla e vende ku strehoheshin civilët ukrainas, shkruan Associated Press, raporton Tëvë1.
