Tre ditë pas emërimit të tij zyrtar, drejtori i ri sportiv i Milanit, Igli Tare, është gati të mbyllë marrëveshjen për pasardhësin e Sergio Conseicao.
Tare ka punuar në dy profile për stolin e kuqezinjve për disa ditë: nga njëra anë Vinccenzo Italiano, nga ana tjetër Masimiliano Alegri. Dhe dje, pasi trajneri i Bolonjës u tërhoq duke rinovuar kontratën e tij, Igli ndërmori hapa përpara që ndoshta ishin vendimtarë për ardhjen e trajnerit nga Livorno.
Brenda 48 orësh, Tare i ofroi Alegrit një projekt 3-vjeçar dhe një kontratë me vlerë rreth 5 milionë euro neto për sezon plus bonuse. Sot në Casa Milan ka besim të madh në mbylljen e kësaj marrëveshjeje në një kohë shumë të shkurtër, në mënyrë që të jetë në gjendje të fillojë planifikimi i tregut që do të vijë së bashku me trajnerin e ri.
