Rusia ka nisur sulme ajrore dhe me dronë në gjithë Ukrainën gjatë natës së të dielës, të cilat vranë 4 persona, thanë zyrtarët.
Tre persona vdiqën dhe katër u plagosën të dielën në mëngjes në sulmet ajrore në Kostyantynivka në rajonin e Donetsk, tha zyra e prokurorit rajonal. Një person tjetër vdiq dhe një vajzë 14-vjeçare u plagos në një sulm me dron në qytetin e Pavlohrad në rajonin e Dnipropetrovsk, i cili u godit për të tretën natë radhazi, tha guvernatori lokal Serhii Lysak.
Sulmet erdhën disa orë pasi Rusia pretendoi se kishte rifituar kontrollin mbi pjesët e mbetura të rajonit të Kurskut, të cilin forcat ukrainase e kapën në një inkursion të befasishëm gushtin e kaluar.
Por, zyrtarët ukrainas thanë se luftimet në Kursk ishin ende në vazhdim.
Sulmet erdhën pasi presidenti amerikan, Donald Trump tha të shtunën se dyshon se Putin dëshiron t’i jap fund luftës në Ukrainë, duke shprehur skepticizëm se një marrëveshje paqeje mund të nënshkruhet së shpejti.
Vetëm një ditë më parë, Trump kishte thënë se Ukraina dhe Rusia ishin “ shumë afër një marrëveshjeje ”.
Rusia gjuajti 149 dronë shpërthyes dhe mashtrues në valën e fundit të sulmeve, tha forcat ajrore ukrainase, duke shtuar se 57 u kapën dhe 67 të tjerë u bllokuan.
Ministria e Mbrojtjes e Rusisë tha të dielën se mbrojtja ajrore rrëzoi pesë dronë ukrainas në rajonin kufitar të Bryansk, si dhe tre dronë mbi gadishullin e Krimesë, i cili u aneksua ilegalisht nga Rusia në 2014.
Pesë persona u plagosën kur forcat ukrainase bombarduan qytetin Horlivka në rajonin pjesërisht të okupuar të Donetsk, tha kryetari i bashkisë së qytetit, Ivan Prikhodko.
