Njohësi i ekonomisë, Safet Gërxhaliu, thotë se ekonominë e Kosovës e ka “kapluar mjerimi”.
Sipas tij, tarikat amerikane do të reflektojnë në Kosovë.
“Ne nuk duhet të hupim më shumë kohë të debatojmë për këtë tarifë, duhet të diskutojmë më shumë për mjerimin që e ka kapluar ekonominë e Kosovës. Nëse e shihni eksportin e produkteve kosovare të importuara në ShBA ndër vite është shqetësuese, në këtë drejtim është koha kur të kthehemi t’i bëjmë detyrat e shtëpisë… Nuk e besoj që dikush që e njeh ekonominë mund të garantojë që tarifat amerikane ndaj BE-së nuk do të reflektojnë në Kosovë”, tha ai në emisionin “Info Nata” në Tëvë1.
Gërxhaliu thotë se do të ketë shtrenjtim të produkteve që cilat eksportohen për në ShBA nga vendet e BE-së. Për këtë ai dha se Kosova duhet të jetë e përgatitur që të ballafaqohet me këto sfida.
“Ekzistojnë lidhjet direkte, indirekte dhe kritere që mund ta godasin Kosovën nga fakti që Kosova është partner tregtar më i fuqishmi me vendet evropiane, dhe ato do të jenë të goditura… prandaj duhet të jemi të përgatitur për sfida. Paramendoni, Amerika nuk prodhon kafe, por vendos tarifa në kafe e banane që vijnë nga Amerika Latine, dhe e pranuam apo jo si realitet, duhet të përgatitemi që edhe këto produkte do të kenë rritje të çmimit në një periudhë afat shkurtë. Jam i besimit që këto tarifa do ta kenë një periudhë afat kohore tre mujore, sepse do të ketë dialog do të ketë partneritet”, deklaroi.
Ndërkaq, lidhur me taksën presidentja e Kosovës, Vjosa Osmani i ka kërkuar Qeverisë në detyrë që të pezullojë të gjitha tarifat e importit për të gjitha produktet amerikane. Gjë që ministri i Financave në detyrë Hekuran Murati ka përmendur vërejtje.
Presidenti i Shteteve të Bashkuara, Donald Trump, njoftoi të mërkurën se SHBA-ja do të vendosë një tarifë bazë prej 10 për qind për importet nga të gjitha vendet e botës, përfshirë nga Kosova dhe vendet e tjera të Ballkanit Perëndimor.
Ai njoftoi gjithashtu për dhe tarifa më të larta për dhjetëra vende që kanë suficit tregtar me Shtetet e Bashkuara, duke rritur rrezikun për një luftë tregtare dhe rritje të inflacionit.
Ndaj mallrave të importuara nga Kosova është vendosur tarifë prej 10 për qind, ndaj atyre nga Shqipëria 10 për qind, Serbia 37 për qind, Bosnia e Hercegovina 35 për qind, dhe Maqedonia e Veriut 33 për qind./teve1.info/
