Ushtria izraelite ka vrarë 232 gazetarë gjatë luftës në Gaza – mesatarisht 13 në javë – gjë që e bën konfliktin më vdekjeprurës për punjonësit e medias të regjistruar ndonjëherë, sipas një raporti të projektit Kostot e Luftës së Institutit Watson për Çështjet ndërkombëtare dhe Publike.
Në raportin e publikuar të martën thuhet se, më shumë gazetarë janë vrarë në Gaza se sa marr së bashku dy luftërat botërore, luftën e Vietnamit, luftërat në Jugosllavi dhe luftën e Shteteve të Bashkuara në Afganistan, raporton AJ.
“Është, thjesht, konflikti më i keq ndonjëherë për gazetarët,” tha Costs of War.
Raporti tha se ishte e paqartë se sa gazetarë palestinezë në Gaza janë shënjestruar në mënyrë specifike nga sulmet izraelite dhe “sa ishin thjesht viktima, si dhjetëra mijëra civilë të tjerë, të bombardimeve të Izraelit”.
Midis tyre ishte edhe reporteri i Al Jazeera, Hamza Dahdouh, i cili u vra më 7 janar 2024 kur një raketë goditi automjetin me të cilin ai po udhëtonte në jug të Gazës. Ai ishte anëtari i pestë i afërt i familjes së Wael Dahdouh, shefit të zyrës së Al Jazeera në Gaza, që u vra nga sulmet izraelite.
Një rast më i fundit është reporteri i Al Jazeera, Hossam Shabat , i vrarë më 24 mars kur një sulm izraelit goditi makinën e tij.
