Është shtyer takimi i liderëve të Ballkanit Perëndimor që ishte planifikuar të mbahej në Maqedoninë e Veriut, për një datë të pacaktuar.
Shtyerja e takimit ndodhi për shkak të tragjedisë që ndodhi në Koçan, në një klub nate ku humbën jetën 59 persona.
”Për shkak të incidentit tragjik të zjarrit në klubin e natës që u mori jetën 59 personave dje në Koçan, autoritetet e Maqedonisë së Veriut kanë kërkuar shtyrjen e Takimit të Liderëve të Ballkanit Perëndimor, që do të mbahej në Shkup këtë javë”, thuhet në njoftim.
Për këtë tragjedi, Qeveria e Maqedonisë së Veriut ka shpallur shtatë ditë zie në të gjithë vendin.
Takimi I liderëve ishte paraparë të mbahet më 19 dhe 20 Mars në Shkup.
