Profesori i së drejtës, Kadri Kryeziu, thotë se nëse Qeveria Kurti nuk e formon qeverinë e re brenda 15 ditëve, atëherë e bën opozita.
Sipas tij, është më mirë që opozita ta formojë qeverinë, “që pushteti le të pushojë pak”.
“Obligimi kushtetues është që i pari duhet të provojë për ta formuar qeverinë. Nëse nuk mundet ta bëjë qeverinë pas 15 ditëve që e ka obligim, e merr opozita dhe e bën qeverinë, e ka mundësinë. Me 53 kandidatë të opozitës më lehtë e ka ta formojë ajo qeverinë. Mendimi im është që më mirë opozita ta formojë qeverinë, që pushteti le të pushojë pak. Janë lodhë, është mirë që opozitën me pru pak në pushtet”, tha ai në emisionin “Info Nata” në Tëvë1.
