Gjashtë persona kanë humbur jetën si pasojë e shpërthimit të një një cilindri në një restorant në qytetin veriperëndimor çek të Mostit, kanë njoftuar të dielën shërbimet e urgjencës.
Nga ky shpërthim që ka ndodhur të shtunën në mbrëmje tetë persona janë plagosur dhe 30 persona janë evakuuar nga restoranti dhe ndërtesat përreth, ka bërë të ditur shërbimi çek i shpëtimit nga zjarri në platformën e mediave sociale X.
“Sipas informacioneve fillestare nga dëshmitarët, një ngrohëse është përmbysur duke shkaktuar zjarr”, ka thënë njësia e zjarrfikësve.
Edhe ministri i Brendshëm Vit Rakusan për Radion Çeke ka thënë se ka të ngjarë që shkaku të ishte një ngrohëse me gaz që u përmbys në kopshtin e përparmë të restorantit.
Ndërkaq sipas Radios Çeke rreth 20 të ftuar ishin në restorant në momentin e shpërthimit./Reuters
