Një sasi lënde plasëse, dyshuar si tritol, është vendosur mëngjesin e sotëm në një hotel në Theth, duke shkaktuar dëme të shumta materiale.
Rreth orës 1:30, një person ka vendosur lëndën plasëse dhe është larguar. Ai është kapur nga kamerat e sigurisë dhe është identifikuar nga policia.
Në lidhje me ngjarjen, autoritetet kanë arrestuar një të ri nga një fshat tjetër, i cili po merret në pyetje për të zbuluar shkaqet e shpërthimit.
Hoteli është në pronësi të shtetasit Ç. Berishta.
Policia vazhdon hetimet për zbardhjen e plotë të ngjarjes/GazetaShqip
