Kryeministri i Kosovës, Albin Kurti, pas takimit të parë në Bruksel me shefen e re të diplomacisë evropiane Kaja Kallas ka thënë se mezi pret të punojë bashkë me të për të avancuar marrëdhëniet ndërmjet Kosovës dhe Bashkimit Evropian.
Kurti ka shtuar se Kallas është një mike dhe mbështetëse e Ballkanit Perëndimor.
“Ky ishte takimi i parë me Kaja Kallas, pasi që mori detyrën e Përfaqësueses së Lartë të Bashkimit Evropian për Punë të Jashtme dhe Politikë të Sigurisë. E falënderoj shumë për mikpritjen dhe i uroj shumë suksese në përmbushjen e objektivave të saj dhe të Komisionit të Bashkimit Evropian. Ajo është një mike dhe mbështetëse e Ballkanit Perëndimor, dhe mezi pres të punojmë bashkë për marrëdhënie sa më të fuqishme dhe të avancuara ndërmjet Kosovës dhe Bashkimit Evropian dhe rrugëtim sa më të shpejtë të Kosovës drejt Bashkimit Evropian”, ka shkruar ai në Facebook.
